Lothal

El Vikipedio, la libera enciklopedio
Saltu al: navigado, serĉo
22.52138888888972.249444444444
Etendiĝo kaj plej gravaj lokoj de la Indus-kulturo.

Lothal estis grava urbo de la antikva Induso-civilizacio en la 24-a jc. a.K. kaj plej grava arkeologiejo de Barato el tiu epoko.

Ĝi nun situas en la Barata federacia ŝtato Guĝarato, proksime al urbo Saragwala, ses kilometrojn sudoriente de fervoja stacio Lothal-Bhurkhi. Pliaj proksimaj urboj estas Dholka kaj Bagodara.

La kajo de Lothal – la plej malnova konata kajo de la mondo – ligis la urbon al rivero Sabarmati sur vojo inter la urboj de Harappa en Sindh kaj la duoninsulo de Saurashtra. El la floranta komerca loko elŝipiĝis perloj, juvelŝtonoj, valoraj artaĵoj eĉ ĝis Malgranda Azio, Afriko.

La arkeologiejo estis malkovrita en 1954, oni elfosis ĝin en 1955-60. Oni elfosis la setlejon, havenon, kanalojn. En proksimo de la arkeologiejo troviĝas la Arkeologia Muzeo, en kiu estas ekspoziciitaj la plej konataj objektoj el la Indus-kulturo.