Magic: The Gathering

Magic: The Gathering (MTG ankaŭ nur Magic, esperante Magio: La Kolektado) estas kolektebla kartludo kreita de Richard Garfield.

Magio eldoniĝis en 1993 de la usona luda firmao Wizards of the Coast (Sorĉistoj de la Marbordo). Ĝi estis la unua kolektebla kartludo, kaj ĝi daŭras kreski. Magio havis dudek milionojn da ludantoj dum 2015. La ludo tradukiĝis de la angla al la rusa, la ĉina, la japana, la franca, la germana, la korea, la hispana, kaj la portugala. Oni povas ludi Magion kun du aŭ pli ludantoj. Kutime, ĉiu ludanto havas po unu kartaron da sesdek aŭ pli Magiaj kartoj.

Ĉiu ludo de Magio signifas batalon inter magiistoj, kiuj uzas sorĉojn, artefaritaĵojn, kaj bestojn signifitajn sur Magiaj kartoj por venki super la oponanto. Tamen, unue la ludo estis baziĝita el temoj de kutimaj fantaziaj rolludoj kiel Drakoj kaj Galerioj, la ludmaniero de Magio malmulte similas al plum'-kaj-paperaj rolludoj de aventurado. Ankaŭ, Magio havas pli grandegan nombron de reguloj kaj kartoj ol kutimaj kartludoj.

Novaj kartoj ofte eldoniĝas. Estas internacia sistemo de konkursoj, kaj tutmonda komunumo de Magiaj profesiistoj estiĝis. Ankaŭ estas granda merkato por brokantaj kartoj. Iuj kartoj multekostas pro siaj rareco aŭ utileco por la ludo. Prezoj de kartoj varias de iom da usonaj cendoj al miloj da usonaj dolaroj.