Mandato de la Ligo de Nacioj
Mandato de la Ligo de Nacioj estas teritorio starigita per la artikolo 22 de la pakto de la Ligo de Nacioj, la 28-an de junio 1919.
La koncernitaj teritorioj estis antaŭ la unua mondmilito aŭ kolonioj de la germana imperio aŭ posedaĵoj de la otomana imperio. La mandatoj estis konfiditaj al Unuiĝinta Reĝlando, al Francio, Belgio, Aŭstralio, Novzelando, Japanio kaj Sud-Afriko.
Kiam ekvalidis la Ĉarto de la Unuiĝintaj Nacioj fine de 1945, la mandatoj de la Ligo de Nacioj, krom tiuj de la sudorienta Afriko, iĝis teritorioj sub gvidado de Unuiĝintaj Nacioj, kiel decidite dum la Jalta konferenco.