Marie von Ebner-Eschenbach
Marie VON EBNER-ESCHENBACH, aŭ plennome: Marie Freifrau von Ebner-Eschenbach (naskiĝis la 13-an de septembro 1830; mortis la 12-an de marto 1916) estis aŭstra verkistino.
Marie von Ebner-Eschenbach naskiĝis en la kastelo Zdislavice. Ŝiaj antaŭuloj estis ĉeĥaj nobeloj. Post sia edziniĝo al Moritz Freiherr von Ebner-Eschenbach ŝi transloĝiĝis al Vieno, kie ŝi konatiĝis inter alie kun la verkistoj Friedrich Hebbel kaj Franz Grillparzer.
La verkaro de Marie von Ebner-Eschenbach priskribas la vivon de la Viena nobelaro/burĝaro kaj de la morava kamparanaro. La aŭtorino admonas al respondeco kaj humaneco; ŝi montras la socian malegalecon, tamen ne vokas al la ŝanĝo de la sociaj strukturoj.
Krom per rakontoj ŝi atingis grandan famon per siaj koncizaj kaj spritaj aforismoj. Marie von Ebner-Eschenbach mortis en Vieno.
Listo de verkoj
- Erzählungen (rakontoj, 1875)
- Aphorismen (aforismoj, 1880)
- Neue Erzählungen (rakontoj, 1881)
- Neue Dorf- und Schlossgeschichten (rakontoj, 1883)
- Das Gemeindekind (rakonto, 1887)
- Meine Kinderjahre (membiografio, 1906)
- Meine Erinnerungen an Grillparzer (membiografio, 1916)
En Esperanto aperis
Renkonto = Eine Begegnung / Marie von Ebner-Eschenbach. Trad. Frieda Feichtinger. - En: Austria antologio ; p.58 - 59, kajeroj 1 - 4
Eksteraj ligiloj
greke http://www.dhm.de/lemo/html/biografien/EbnerEschenbachMarie greke http://gutenberg.spiegel.de/autoren/ebnresch.htm greke http://www.ebook-bibliothek.org/data/Ebner-Eschenbach,%20Marie%20von%20-%20Aphorismen.pdf greke http://www.aeiou.at/aeiou.encyclop.e/e073995.htm;internal&action=_setlanguage.action?LANGUAGE=en