Modesto

Modesto estas grandurbo en Usono, en subŝtato Kalifornio, en Kantono Stanislaus. Ĝi estas administra centro de la kantono.

Situo de Modesto en Kalifornio

Ornama arko en Modesto

Bazaj informoj

• Koordinatoj: 37° 39′ N 120° 59′ U (mapo)
• Areo: 96 km²
• Loĝantaro: 201.165 (en 2010)
• Supermara alteco: 28 m
• Horzono: UTC-8h (en somero UTC-7h )
• Poŝtkodoj: 95350-95358
• Telefonkodo: 209

Geografio

Modesto situas sur ebenaĵo en la sudokcidenta landparto de Usono, en la meza parto de la subŝtato. Stockton (Kalifornio) troviĝas 24, Sakramento 68, Fresno 90, San Francisco 92 mejlojn.

Historio

Centro de artoj en Modesto

Modesto fondiĝis en 1870 kiel fervoja haltejo. En 1884 ĝi iĝis jam urbeto, la loĝantoj okupiĝis pri agrikulturo.

Industrio

Modesto estas hejmo de la plej granda vinfarejo en la mondo: "E & J Gallo Winery" fondita en 1933. Oni okupiĝas ankaŭ pri nutraĵoj (laktaĵoj, migdaloj, juglandoj) kaj bredado de brutoj kaj kokoj.

Klimato

En Modesto la temperaturo averaĝe varias inter 10-25 °C. La varmo kulminas en julio foje kun 45 °C, inter oktobro-marto foje frostas. Jare pluvas po 335 mm. La pluvo kulminas en januaro, inter julio-aŭgusto praktike ne pluvas.

Trafiko

El Modesto aŭtoŝoseoj kaj apude trajnoj kuras al Stockton kaj Fresno. La urbego havas kantonan (malgrandan) flughavenon.

Vidindaĵoj

Domo de McHenry en Modesto

• domo de McHenry Mansion konstruita en la 1880-aj jaroj, trans la strato muzeo McHenry
• centro da artoj (Gallo Center)
• teatrejo

Famuloj

En Modesto naskiĝis George Lucas kaj Jeremy Renner.

Ĝemelurboj

• Kurume, Japanio
• Vernon, Kanado
• Aguascalientes, Meksiko
• Ĥmelnicko, Ukrainio
• Vijajaŭada, Barato
• Laval, Francio

Fontoj

• Képes Világatlasz ISBN 963 8475 38 2
• Tiu ĉi artikolo tradukiĝis helpe de WikiTrans, estis prenitaj nur tiuj frazpartoj, kiuj estis sencohavaj el anglalingva Vikipedio

Mapo pri Kalifornio, kie estas trovebla Modesto en la meza parto de Kalifornio