Moskva historia moskeo

El Vikipedio, la libera enciklopedio
Salti al navigilo Salti al serĉilo
Moskva historia moskejo en 2007

Moskva historia moskeo (ruse Московская историческая мечеть, tatare: Мәскәү шәһәре тарихи мәчете) estas la plej malnova moskeo en Moskvo, fondita en 1823. Ĝi situas en historia urboparto Transmoskvariverejo (distrikto Zamoskvoreĉje) laŭ adreso: strato Bolŝaja Tatarskaja, 28.

La moskeo, ekzistinta en komenco de la 19-a jarcento forbrulis dum la Moskva incendio de 1812. En fino de 1823 moskvaj islamanoj ricevis permeson konstrui novan moskeon, sed ĝi devus aspekti kiel kutima domo kaj ne havus rajton nomiĝi moskeo. Ĝi estis konstruita en 1823 kaj ĝis sia rekonstruo en 1880 estis kiel unuetaĝa domo. En 1880 estis ricevita permeso aldoni minareton kaj kupolon.

En 1939 la moskeo estis fermita, la minareto - detruita. Antaŭe, en 1936, estis pafmortpunigita la imamo. En la konstruaĵo loĝis militkomisarejo kaj riparejoj.

La moskeo denove funkcias ekde 1993.

Eksteraj ligiloj[redakti | redakti fonton]

En tiu ĉi artikolo estas uzita traduko de teksto el la artikolo Московская историческая мечеть en la rusa Vikipedio.