Muŝoamanito

Kiel legi la taksonomion

Muŝoamanito

Muŝoamanito (Amanita muscaria var. formosa)

Biologia klasado

Regno:	Fungoj Fungi
Subregno:	Dikarya
Filumo:	Bazidiomicetoj Basidiomycota
Subfilumo:	Agaricomycotina
Klaso:	Agaricomycetes
Subklaso:	Agaricomycetidae
Ordo:	Agaricales
Familio:	Amanitaceae
Genro:	Amanito Amanita
Specio:	Muŝoamanito

Dunomo

Amanita muscaria

subspecioj

variaĵo muscaria
variaĵo regalis
variaĵo aureolia
variaĵo formosa

Aliaj Vikimediaj projektoj

Sistematiko en Vikispecioj

Komunejo pri Muŝoamanito

v • d • r

La muŝoamanito, aŭ muskario^[1] ^[2], aŭ pli longe muŝmortiga amanito (Amanita muscaria) estas fungo el la genro de amanitoj (Amanita). Malgraŭ sia renomo, la fungo ne estas tre venena, sed tamen ne sendanĝera.

La ruĝa muŝoamanito en Mezeŭropo videblas de junio ĝis la vintro, plejparte inter julio kaj oktobro. Ĝi havas plurajn rekonitajn variaĵojn. Parolante pri "muŝoamanito", oni plej ofte celas la variaĵon Amanita muscaria var. muscaria.

Amanita muscaria var. aureola havas tre malmultajn aŭ eĉ neniujn blankajn flokojn. Amanita muscaria var. formosa havas oranĝkolore flavan ĉapon kaj tre malmultajn flavecajn flokojn. Ambaŭ variaĵoj, se manĝitaj, kaŭzas la samajn efikojn de veneniĝo kiel la tipa muŝoamanito.

La bruna "reĝa muŝoamanito" (Amanita regalis) de iuj biologoj ne konsideratas propra specio de fungo, sed variaĵo de muŝoamanito; ĝi ekstere tre similas al la bruneca "pantera amanito" (Amanita pantherina).