Nektarino

El Vikipedio, la libera enciklopedio
Jump to navigation Jump to search
Nektarino

La nektarino (latine: Prunus persica var. nucipersica) estas mutaciinto de la persiko (Prunus persica) kun glata kaj brila ŝelo. Krom la ŝelo, ne ekzistas esenca diferenco inter persikoj kaj nektarinoj. Nektarino do ne estas hibrido de persiko kaj pruno, kiel oni kelkfoje supozas.

Koncerne la maniero de kreskado, kultivado kaj neimuneco kontraŭ malsanoj kaj plagoj la nektarino multe similas al la persiko. Ankaŭ inter la nektarinoj ekzistas specioj kun blanka aŭ flava sarkokarpo. La plimulto de la nektarinspecioj estas iom pli malgranda ol tiu de la persikspecioj.

La glatŝeleco povas ekesti pro mutacio, pro kio kelkfoje okazas ke al persikarbo subite kreskas branĉo kun glatŝelaj fruktoj (kaj inverse).