Nigrabeka mevo

Kiel legi la taksonomion Nigrabeka mevo
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Ĥaradrioformaj Charadriiformes Familio: Laredoj Laridae Subfamilio: Larenoj Larinae Genro: Chroicocephalus Specio: Nigrabeka mevo Ch. bulleri Hutton, 1871
Dunomo
Chroicocephalus bulleri
Konserva statuso
Konserva statuso: Preskaŭ minacata
Aliaj Vikimediaj projektoj

La Nigrabeka mevo aŭ Nigrabeka tarapungo, Chroicocephalus bulleri, estas eta mevo tio estas birdo de la familio de Laredoj kaj ordo de Karadrioformaj.

Disvastiĝo

Ĝi estas endemio de Novzelando, ĉefe en la Suda Insulo. Ĝi reproduktiĝas en humidejoj, lagoj, insuloj aŭ riverbordoj. Ne nepre en marbordo; pli komuna en interno.

Aspekto

Plenkreskulo ĉe la Lago Taupō.

Temas pri malgranda mevo (37 cm longa, peza se masklo 300 g, se ino 250 g), helgriza ĉe dorso kaj flugiloj kaj blanka ĉe kapo, kolo, brusto kaj ventro. Ĝi havas nigrajn bekon, krurojn, piedojn kaj flugilpintojn. Junuloj estas pli brunaj; havas nigron ĉebeke nur pinte.

Kutimoj

Reproduktado okazas kolonie, de kio rezultas denajbara premado ĉefe kiam la idoj eloviĝas ĝis kiam ili moviĝas al akvo. Partneroj ludas ceremonion rilate manĝado kaj manĝopropono ĉefe el masklo al ino aŭ el alvenanto al la kuŝanta partnero. La ino demetas plej ofte nur du ovojn en nesto malbone konstruita el planta materialo. Ambaŭ gepatroj kovas laŭvice dumtage sed nur unu dumnokte. Post reproduktado (oktobro ĝis decembro) la specio moviĝas iome norden.

Ili estas ĉiomanĝanta, sed ĉefe insektojn. Vintre ili ĉeestas ĉu urbajn rubejojn ĉu terkulturejojn.

La specio estas protektita jure.

Eksteraj ligoj anglalingvaj

• Anglalingva ejo pri Nigrabeka mevo
• Anglalingva ejo pri Nigrabeka mevo
• Pri reproduktado Arkivigite je 2011-06-14 per la retarkivo Wayback Machine