Paralimni (grekeΠαραλίμνι) estas urbeto en sudorienta Kipro. Mallonga distanco de la marbordo, en Famagusta distrikto. La setlejo ricevis sian nomon de proksima lago (limni en la greka signifas lago), kiu pleniĝas per akvo vintre. Tiu laŭsezona lago estas la plej malsupra areo en la orienta parto de la insulo. En la helenisma periodo, antaŭe estis urbeto nomita Lavekula en la loko de la moderna setlejo, kaj en la bizanca periodo ekzistis multaj setlejoj tie kies ĉefa okupo estis agrikulturo. Oni devas rimarki, ke la grundo ankoraŭ estas fekunda en ĉi tiu areo kaj havas ruĝan nuancon pro la alta ferenhavo [1]. Ekde la turka invado de Kipro en 1974, la urbeto kreskis, pro la enmigrado de multaj rifuĝintoj kiuj fuĝis de la nordo. Multaj el la loĝantoj laborantaj en la turismaj lokoj de Prothras kaj Agia Napa loĝas en Paralimni, kiu estas la provizora administra centro de la distrikto Famagusta kaj la plej granda setlejo en la "kontrolita grekcipra areo de la distrikto". La urbeto iĝis speco de malgranda ĉefurbo en la greka regiono de Famagusta.
Vikimedia Komunejo Paralimni [+]
