Pik Lenina
| Pik Lenina | |
|---|---|
 Pik Lenina vidita de la strato Irkeŝtam-Sari Taŝ (Kirgizio)
| |
| monto | |
| Alteco | 7 134 m |
| Situo | Kirgizio kaj Taĝikio |
| Montaro | Pamiro |
| Koordinatoj | 39° 20′ 33″ N 72° 52′ 39″ O / 39.34250 °N, 72.87750 °O (mapo)Koordinatoj: 39° 20′ 33″ N 72° 52′ 39″ O / 39.34250 °N, 72.87750 °O (mapo) |
| Unua grimpo | en 1928 fare de Karl Wien, Eugen Allwein kaj Erwin Schneider |
Pik Lenina aŭ Montopinto Lenin, (kirgize Ленин Чокусу, do lenin ĉokusu, ruse Пик Ленина, do pik lenina; taĝike қуллаи Ленин, do kullan lenin, renomita қуллаи Абӯалӣ ибни Сино, do kullan abal ibin sino respektive en Esperanto "montopinto Aviceno" en julio 2006[1]), estas 7134 metrojn alta monto ĉe la limo inter Kirgizio kaj Taĝikio, kaj estas la dua plej alta monto en ambaŭ landoj. Ĝi apartenas al la montaro Pamiro kaj ties montoĉeno Trans-Alaj. Ĝis la jaro 1933 ĝi konsideriĝis la plej alta monto de Taĝikio: tiam grimpiĝis la montopinto Ismail Samani (tiam nomata "montopinto Stalin", pli poste ĝis la jaro 1991 "montopinto komunismo") kaj konsideriĝis iom pli ol 300 metrojn pli alta, havante alton de ekzakte 7 495 metroj. Du montoj en la ĉinia parto de la pamira montaro, nome Kongur Tagh (7649 m) kaj Muztagh Ata (7546 m), pli altas ol la taĝikiaj montopintoj.
Notoj
- ↑ registara rezolucio n-ro 297, la 4-an de julio 2006, Duŝanbeo (taĝike)[; [http://www.president.tj/rus/novostee_050706a.htm rusa teksto legeblas ĉi-tie.