Remboato
![](http://upload.wikimedia.org/wikipedia/commons/thumb/6/69/Cismigiu_-_rowboats.jpg/220px-Cismigiu_-_rowboats.jpg)
![](http://upload.wikimedia.org/wikipedia/commons/thumb/2/2c/Roeiploeghu.jpg/220px-Roeiploeghu.jpg)
Remboato estas boato kiu estas propulsata per remiloj. La movado nomiĝas remado kaj la persono, kiu faras tion estas remanto aŭ remisto. Ĉar per remado la maksimuma forto atingeblas per remado malantaŭen, la remanto mem malbone povas vidi kien oni remas. Se ĉeestas persono, kiu tenas la rudron tio ne estas problemo sed alie oni devas daŭre, post kelkaj rem-movoj, rigardi trans la ŝultro.
Nuntempe oni uzas remboatojn ĉefe por sporto aŭ en la libertempo. En iamaj tempoj remboatoj estis ĉefaj transportiloj aŭ helpa veturilo en malprofunda akvo, kie la grandaj velŝipoj tuŝus la grundon.
Konstruo
[redakti | redakti fonton]Ĉio remboato havas ian apogilon aŭ ingon, sur au en kiu la remiloj apogiĝas. Remanto povas stari en la boato kiel ekzemple en gondolo aŭ sidi en ĝi aŭ sur fiksa rembenko aŭ sur rulebla sidilo kiel en sportboato.
Sportboato
[redakti | redakti fonton]La unuaj sportaj remboatoj diferencas multe de la modernaj. La boatoj de la unua Boat Race en 1829 ne havis elstarilojn aŭ piedoapogilojn kaj havis fiksajn benkojn. Anstataŭ remilingoj ekster la boatokorpo ili havis remil-apogilojn sur la rando de la boatoj, kiuj tiam estis multe pli larĝa. La korpo konsistis el lignaj bretoj.
Konkursboatoj havas longan kaj tre mallarĝan korpon. Ĝi konsistas el tavoloj da karbofibra plasto inter kiuj troviĝas tavolo da sesangulaj plastaj ĉeloj. Ĝi estas fermita kaj glata korpo kaj la kilo ne estas videbla de ekstere. Ĉe la boatopostaĵo troviĝas stabiligilo, kiu helpas, ke la boato moviĝas rekte antaŭen. Ĉe kelkaj pluropaj boatoj tie ankaŭ troviĝas rudro. Ili havas t.n. flugilajn elstarilojn, kiuj estas muntita sur la boatorando. Ili estas unuopa peco, kiu estas farita el aluminio aŭ karbofibra plasto. Sur la plej ekstera punkto troviĝas la remilingo.
![](http://upload.wikimedia.org/wikipedia/commons/thumb/2/2c/Munich_-_Deutsches_Museum_-_07-8998.jpg/220px-Munich_-_Deutsches_Museum_-_07-8998.jpg)
![](http://upload.wikimedia.org/wikipedia/commons/thumb/7/79/Rowing_Sport_Oarlock.jpg/220px-Rowing_Sport_Oarlock.jpg)