Robert Trögel

El Vikipedio, la libera enciklopedio
Jump to navigation Jump to search

Robert TRÖGEL estis germana doktoro pri filozofio, lerneja inspektoro kaj esperantisto. Li naskiĝis la 24-an de aprilo 1888 en Rehau-Faßmannsreuth, Bavario. Robert Trögel enkondukis Esperanton en la instruistan seminarion de Auerbach (Supra Palatinato). Li partoprenis la internacian konferencon pri Esperanto en la lernejoj, Ĝenevo, 1922, kaj la internacian konferencon por la uzado de Esperanto en la sciencoj puraj kaj aplikataj, Parizo, 1925, kie li reprezentis la Ĝeneralan Sciencan Asocion, kies prezidanto li estis dum kelkaj jaroj. Li estis ekzamenkomisaro de la Esperanto-Instituto, kaj verkis du interesajn germanlingvajn broŝurojn pri Esperanto, (1929 kaj 1930), unu el ili tradukita en la japanan lingvon. Krome li inter alie verkis la kongreslibrom por la 14-a Germana Esperanto-Kongreso en 1925, kaj multajn artikolojn en gazetoj, speciale en pedagogiaj revuoj.