Robert Wiene
Robert WIENE (n. la 27-an de aprilo 1873 - m. la 16-an de junio 1938) estis grava germana reĝisoro de la periodo de mutaj filmoj.
Robert Wiene naskiĝis en Breslau (tiam en germana Silezio), kaj estis la filo de la populara teatraktoro Conrad Wiene. Lia plijuna frato ankaŭ fariĝis aktoro, sed Robert unue studadis juron en la universitato de Berlino. Lia unua apero en filmo okazis en 1912, en Die Waffen der Jugend.
Liaj plej memoreblaj filmoj estas la hororfilmo Das Cabinet des Dr. Caligari kaj kinadapto de la romano Krimo kaj Puno. Ambaŭ filmoj ege influis tiutempan germanan kinon. Wiene mortis en Parizo pro kancero, nur dek tagojn antaŭ la finpretigo de spionfilmo, Ultimatum. La filmo estis finita de amiko de Wiene, Robert Siodmak.