Rocamadour

El Vikipedio, la libera enciklopedio
Saltu al: navigado, serĉo

Rocamadour [rokamadur] aŭ okcitanlingve Ròcamador [rokamadur] estas franca komunumo situanta en la departemento Lot, regiono Sudo-Pireneoj. La nomo devenas el la sanktejo kaj adorejo de la relikvoj de Amadour, kies sendifekte konservitan korpon oni malkovris en la jaro 1166, antaŭ la enirejo de la mirakla kapelo dediĉita al la Virgulino Maria. Grava pilgrimejo dum jarcentoj (vizito al la Nigra Virgulino), Rocamadour estas nun turisma vilaĝeto kun 614 loĝantoj.

La paroka preĝejo prezentas muran pentraĵon tiel nomata Rakonto pri la Tri Mortintoj kaj la Tri Vivantoj (Dit des trois morts et des trois vifs) : en iu tombejo tri junaj nobeloj estas alparolataj de tri mortintoj kiuj rememorigas al ili la mallongecon de la vivo kaj la gravecon de la anima savo.