Vidi fonton por Rodopoj

{{Informkesto monto
|nomo=Rodopoj
|bildo=[[Dosiero:Vucha PAN-HDR.jpg|300ra|la akvorezervujo ''Vaĉa'']]
|bildopriskribo=la akvorezervujo [[Vaĉa]]
|alteco=5892
|latitudo=41/36//N
|longitudo=24/34//E
|regiono-ISO=BG/GR
|landoj={{Bulgario}} kaj {{Grekio}}
}}
La '''Rodopoj''' ({{lang-bg|Родопи}}, {{lang-el|Ροδόπη}} (Rodopi), en la bulgara lingvo kutime kun difinita artikolo ''{{lang|bg|Родопите}}'' (''Rodopite''), foje ankaŭ nomata ''{{lang|bg|Родопа}}'' (''Rodopa'') aŭ ''{{lang|bg|Родопа планина}}'' (''Rodopa planina''), origine el la [[Trakio|trakia lingvo]] „regiono de ruĝbruna rivero“) estas montaro en sudokcidenta Eŭropo. La Esperanto-vortaro [[PIV]] proponas la nomon en [[singularo|singulara formo]], do '''Rodopo''', sed preskaŭ ĉiuj naciaj lingvoj uzas [[pluralo|pluralan formon]], paralele al ekzemple la montaroj [[Alpoj]] aŭ [[Karpatoj]] en Eŭropo, kaj ĉi tie sekviĝas la plurala formo. Pli ol 83% de la montaro troviĝas sur la teritorio de la ŝtato [[Bulgario]], kaj la restaj, en la plej norda parto en [[Grekio]]. Sur la teritorio de la plej suda parto, en Grekio la provinco [[Rodopoj (Grekio)|Rodopoj]] estas nomata laŭ la montaro. La plej alta montopinto ''[[Goljam Perelik]]'' (2.191 metroj), estas la sepa plej granda monto de Bulgario. La regiono pejzaĝe konsistas aparte el [[karsto|karstaj]] areoj kun profundaj riveraj [[kanjono]]j, larĝaj kavoj kaj specife skulptitaj rokaroj. Aparte impresa kaj pitoreska ekzemplo estas la kanjono [[Trigrad]].
[[Dosiero:Trigrad-gorge-gruev.JPG|maldekstra|eta|{{centre|la kanjono Trigrad}}]]

== Geografio ==
La Rodopoj etendiĝas sur areo de pli ol 14.735&nbsp;km², el kiuj 12.233&nbsp;km² estas sur bulgara teritorio. La montaro kovras areon de proksimume 240 kilometroj da longo kaj inter 100 kaj 120 kilometroj da larĝo, kaj la averaĝa alteco super la [[marnivelo]] estas 785 m. Dek kvin naciaj parkoj estis establitaj, kaj iuj el ili estas sub protekto de [[UNESKO]]. La montaroj famas pro la plej grandaj [[konifero|koniferaj]] arbaroj de la [[Balkano|balkana regiono]].
{{-|maldekstre}}

=== Klimato ===
[[Dosiero:Hvoina.jpeg|dekstra|eta|300ra|{{centre|pejzaĝo de la Rodopoj proksime de la vilaĝo [[Ĥvojna]]}}]]
[[Dosiero:SeloVrata.jpg|dekstra|eta|300ra|{{centre|vidaĵo de la roko [[Belintaŝ]] al la vilaĝo [[Vrata]]}}]]
La situo de la Rodopoj en la sudorienta parto de la [[Balkana Duoninsulo]] grandparte determinas la regionan klimaton. Ĝi same influiĝas de pli malvarma vento el la nordo kaj pli varma aero venanta de la [[Mediteranea Maro]].

La averaĝa jara temperaturo en la orientaj Rodopoj estas 12 ĝis {{GdC|13}}. Plej multe pluvas dum decembroj, plej malmulte dum aŭgustoj. En la okcidentaj Rodopoj, la temperaturo varias inter 5° kaj {{GdC|9}} kaj la someraj monatoj plej pluvoriĉas.

La milda klimato kaj interesa montara pejzaĝo favorigas oferton de turismaj servoj, por someraj kaj vintraj feriantoj kaj sportistoj. Aparte la areo de [[Pamporovo]], kie la mikroklimato permesas longan fortan neĝadon, estas ŝatata por [[vintra sporto]], aparte kompreneble por [[skiado]]. Dum vintroj temperaturoj de minus {{GdC|15}} ne maloftas, kaj sekve la Rodopoj estas la plej suda parto de la Balkano, kie arbaj specioj kiel la [[ordinara piceo]] kaj la [[penda betulo]] observeblas.

=== Akvo ===
La montaro havas abundajn akvorezervojn. Ekzistas densa reto da montaj fontoj kaj riveroj. Naturaj lagoj maloftas, la plej konataj el ili estas la lagoj de [[Smoljan]] en nur kelkkilometra distanco de la samnoma urbo. Pluraj el la plej grandaj [[akvorezervujo]]j de Bulgario lokiĝas en la Rodopoj – inkluzive tiuj de [[Dospat]], [[Batak]], [[Goljam]], [[Karĝali]], [[Studen kladenec]], [[Vaĉa]] kaj [[Ŝiroka poljana]]. Ili uzas same por produkto de elektro kiel por akvoprovizo de agrikulturo kaj homaj loĝlokoj. Ekzistas multaj fontoj de minerala akvo, kaj inter la plej famaj el ili estas tiuj de [[Velingrad]], [[Nareĉen]], [[Devin]], [[Beden]] kaj [[Miĥalkovo]].

== Mitologio ==
La Rodopoj ĝenerale konsideriĝas esti la hejmo de la legenda kantisto [[Orfeo]] kaj lia edzino [[Eŭridiko]] el la [[helena mitologio]]. Aldone, multaj arkeologiaj lokoj de la regiono pruvas fortan kulton de la dio [[Dionizo]] en la [[prahistorio|prahistoria]] kaj [[antikva epoko]]j. Ekzemplo estas la antikva [[Trakio|trakia]] urbo [[Perperikon]]. Laŭ la [[helena mitologio]], la reĝino Rodopa de [[Trakio]], edzino de reĝo [[Hemos]], estis pune transformita en la rodopan montaron fare de la grekaj dioj [[Zeŭso]] kaj [[Hera]].
{{-|maldekstre}}

== Eksteraj ligiloj ==
{{Projektoj}}
* Panoramaj fotoj de la Rodopoj: [http://dichev.com/panorama/bulgaria/rodopi/yagodinsko_jdrelo/ Jagodina] {{Webarchiv|url=https://web.archive.org/web/20070509022711/http://dichev.com/panorama/bulgaria/rodopi/yagodinsko_jdrelo/ |date=2007-05-09 }}, [http://dichev.com/panorama/bulgaria/rodopi/trigrad_view/ Kanjono Trigrad] {{Webarchiv|url=https://web.archive.org/web/20070509022340/http://dichev.com/panorama/bulgaria/rodopi/trigrad_view/ |date=2007-05-09 }}, [http://dichev.com/panorama/bulgaria/rodopi/trigrad_river/ Rivero Trigrad] {{Webarchiv|url=https://web.archive.org/web/20070509022556/http://dichev.com/panorama/bulgaria/rodopi/trigrad_river/ |date=2007-05-09 }}, [http://dichev.com/panorama/bulgaria/rodopi/vodni_pad/ Vodni] {{Webarchiv|url=https://web.archive.org/web/20070214020603/http://dichev.com/panorama/bulgaria/rodopi/vodni_pad/ |date=2007-02-14 }}.
* [http://www.rodopi-bg.com/english/index.shtml Rhodope Mountains – the home of Orpheus] {{Webarchiv|url=https://web.archive.org/web/20070219020539/http://www.rodopi-bg.com/english/index.shtml |date=2007-02-19 }}
* [http://www.perperikon.bg/ La antikva urbo Perperikon]
* [http://www.astraka.net/showalbum.php?id=rodopi bildoj de la Rodopoj en la paĝaro ''Astraka.net''] {{Webarchiv|url=https://web.archive.org/web/20070703174533/http://www.astraka.net/showalbum.php?id=rodopi |date=2007-07-03 }}

{{Bibliotekoj}}

[[Kategorio:Montaroj en Bulgario]]
[[Kategorio:Montaroj en Grekio]]
[[Kategorio:Montaroj en Eŭropo]]