Ronda kluzo de Agde

El Vikipedio, la libera enciklopedio
Salti al navigilo Salti al serĉilo
Ronda kluzo de Agde
Diversaj datumoj
loko kaj profundo

Sudfranca Kanalo ↓5,2 m

Longeco kaj larĝeco ↕ de 29,2 ĝis 38,5 m
↔ de 29,2 ĝis 38,5 m
Situo
Lando Francio
Loĝloko Agde
Akvovojo Sudfranca Kanalo
Geografia situo 43° 19′ 13″ N, 3° 28′ 3″ O43.3202777777783.4675Koordinatoj: 43° 19′ 13″ N, 3° 28′ 3″ O
Situo de la kluzo en Francio
Bildo de la kluzo
Bildo de la kluzo
Information icon.svg
vdr

La ronda kluzo de Agde - france Écluse ronde d'Agde - estas kluzo de la Sudfranca Kanalo proksime de la urbo Agde. Ĝi konstruiĝis en 1676[1] kaj estas la sola ronda kluzo kun konekto al pli ol du kanaloj funkcianta en Francio. Krom la du konektiĝoj de la Sudfranca Kanalo, tria konektiĝo estas kanalo gvidanta al la fina parto de la rivero Hérault, mallonge antaŭ ties enfluon en la Mediteranean Maron, kiu do provizas rapidan vojon de ŝipoj el la Sudfranca Kanalo al la maro. La kluza baseno, kiel indikas la nomo, estas ronda kaj iom aspektas kvazaŭ tre granda kaldrono.

Origine la kluza baseno el vulkana ŝtono konstruiĝis je diametro de 29,2 metroj kaj profundo de 5,2 metroj. En 1978 tri kvaronoj de la baseno plivastiĝis ĝis diametro de 38,5 metroj, tiel ke fakte la konstruaĵo ne plu ekzakte "rondas".[2] Sed ĉar la plivastigita parto simple estas tri kvaronoj de pli vasta cirklo, tamen la origine "ronda impreso" de la kluzo tamen ankoraŭ bone rekoneblas.

Referencoj[redakti | redakti fonton]

  1. Michel Cotte: Le Canal du Midi – “Merveille de Europe”, Belin-Herscher, 2003, ISBN 2-7011-2933-8, paĝo 64 (france)
  2. Hugh McKnight: Cruising French Waterways (angle: "krozante tra franciaj akvovojoj"), 4-a eldono, eldonejo Sheridan House, 2005, ISBN 978-0-7136-6638-0, paĝoj 261 kaj 272
la "kluza kaldrono", fone la historia kluzista domo
skema mapo de la tuta Sudfranca Kanalo