Saadat Hasan MANTO (urdue سعادت حسن منٹو) (naskiĝis la 11-an de majo 1912) en Ludhiana, la ĉefa komerca urbo de Barata Punĝabo — mortis la 18-an de januaro 1955 en Lahoro, la ĉefa urbo de Pakistana Punĝabo) estis pakistana verkisto, ĵurnalisto. Li estis novelisto kaj verkis en la urdua lingvo, tamen en ĉiutaga vivo li paroladis la Punĝaban lingvon. Li estas plej konata pro siaj noveloj 'Bu' (Fiodoro), 'Khol Do' (Malfermu ĝin), 'Thanda Gosht' (Malvarma viando) kaj sia elstara verko 'Toba Tek Singh'. Manto ankaŭ verkis por filmoj kaj radio. Krome li laboris kiel ĵurnalisto. Dum sia mallonga, 43-jara vivo, li publikigis 22 kolektojn de noveloj, unu romanon, kvin kolektojn de radio-teatraĵoj, tri kolektojn de eseoj, kaj du kolektojn de personaj skizoj. Tre senteme kaj sentime li traktis la psikajn kaj emociajn konfliktojn ĉirkaŭ la disduigo de la Hinda subkontinento. Tiom malkaŝe li parolis pri la seksa perforto de tiu periodo, ke en Pakistano oni procesis kontraŭ Manto pro obsceneco, tri fojojn antaŭ kaj tri fojojn post 1947. Sed neniam li estis kondamnita. Lia plumo estis ege akra, ĉar li neniam kompromisis kun iu, eĉ ne kun si mem.
„ Verkisto prenas sian plumon, nur kiam lia sentemo estas vundita. ”
— (MANTO)
Verkoj
Aatiŝpare (Fajreroj), 1936
Chugaad Ĉugaad
Manto ke afsaane (Noveloj de Manto), 1940
Dhuaan (Fumo), 1941
Afsaane aŭr draame (Noveloj kaj dramoj), 1943
Laz-zat-e-sang (La gusto de ŝtono), 1948
Sijaah haaŝije (Nigraj marĝenoj), 1948
Baadŝaahat kaa khatiimaa (La fino de reĝeco), 1950
Khalii botele (Malplenaj boteloj), 1950
Laŭd spiikar (Laŭtparolilo)
Nimrud kii khudaai (La dieco de Nimrod), 1950
Thanda goŝt (Malvarma viando), 1950
Jazid, 1951
Ganĝe fariŝte (Kalvaj anĝeloj), 1952 (?)
Parde ke piiĉhe (Malantaŭ la kurtenoj), 1953
Sadak ke kinaare (Stratflanke), 1953
Bagejr unvaan ke (Sentitole), 1954
Bagejr iĝaazat (Senpermese), 1955
Burke (Burĥoj), 1955
Phundane (Kvastoj), 1955
Sarkando ke piiĉhe (Malantaŭ la junkoj), 1955
Ŝejtaan (La satano), 1955
Ŝikaarii aŭrate (La ĉasistinoj), 1955
Ratti, Masha, Tolah, 1956
Kaalii ŝalvaar (Nigra ina-pantalono), 1961
Manto kii behatariin kahaaniyaa (La plej bonaj noveloj de Manto), 1963
