Interreta filma datumbazo

El Vikipedio, la libera enciklopedio
Saltu al: navigado, serĉo

Interreta filma datumbazo (angle Internet Movie Database, IMDb) estas datumbazo kun informoj pri filmoj, televidaj programoj, aktoroj, reĝisoroj kaj ĉio cetera, kio rilatas al la filma kreado.

La datumbazo estis enretigita kiel nekomerca projekto la 17-an de oktobro 1990. Ekde 1996 la grandeco de la datumbazo kaj la kostoj de la mastrumado gvidis al la fondo de la firmao Internet Movie Database Ltd. Ekde 1998 la firmao kaj la datumbazo apartenas al Amazon.com, Inc.[1] Samjare aldone al la origine anglalingva datumaro enkondukiĝis similenhavaj versioj de la retejo ankaŭ en la franca, germana kaj itala, iom poste ankaŭ en la hispana, hungara, pola, portugala, rumana kaj turka. Ili transprenis bazajn enhaverojn el la anglalingva datumbazo kaj ebligis aldonon de pliaj informoj, sed en multaj kazoj la indikoj pri filmoj kaj aktoroj estis malpli ampleksaj ol en la angla - kvankam tiukaze kompreneble eblis ankoraŭ konsulti la anglan aŭ alilingvan versiojn. En februaro 2013 tamen ĉiuj ne-anglalingvaj versioj de la retejo estis komplete forigitaj, por "koncentriĝi" pri la "kerna" anglalingva datumaro.

Referencoj[redakti | redakti fonton]

  1. Press Release: Amazon.com Acquires Three Leading Internet Companies. Alirita 2011/03/11.