Sindromo
En la medicino, simptomaro (aŭ sindromo) estas la samtempa ĉeesto de pluraj simptomoj, tiel ke la ĉeesto de certaj simptomoj indikas al la kuracisto ke la aliaj ankaŭ povus ĉeesti. Ofte simptomaro havas unusolan kaŭzon.
La simptomaro estas io rekte observebla. Foje oni eltrovas, kiu malsano kaŭzas la simptomaron, sed alifoje ne. Konfuze estas ke foje la nomo "simptomaro" restas en la nomo de malsano eĉ post kiam oni eltrovis ĝian kaŭzon. Tiel ekz-e estas en la kazo de aidoso (Akirita Imuno-Deficita Simptomaro), kiu origine estis neklarigebla simptomaro, ĝis kiam oni eltrovis, ke ĝin kaŭzas HIV.