Somera palaco de reĝino Anna

Somera palaco de reĝino Anna
muzeo belvedero
Bazaj datoj
Konstrustilo	renesanca arkitekturo vd
Arkitekto	Paolo della Stella vd
Estiĝo	1538
Lando	Ĉeĥio vd
Situo	Hradčany
Situo
Geografia situo	50° 5′ 37″ N, 14° 24′ 20″ O (mapo)50.09361111111114.405416666667 [+]
Geografia lokigo sur la mapo : Prago Somera palaco de reĝino Anna (Prago) DEC Geografia lokigo sur la mapo : Centra Prago Somera palaco de reĝino Anna (Centra Prago) DEC
Parto de	Praga burgo vd
Posedata de	Ĉeĥio vd

Belvedere kaj la "kantanta fontano"

Somera palaco de reĝino Anna situas en belega granda ĝardeno en la Praga burgo. La palaco ankaŭ estas nomata palaco de reĝino Anna kaj estas la plej eleganta renesancstila konstruaĵo norde de Alpoj. La nomo Belvedere (itale: bela vido) aludas kaj ĝian belegan aspekton kaj la belan elrigardon al la tuta urbo Prago.

Ferdinando la 1-a konstruigis la palacon por sia adorata edzino Anna Jagellono laŭ planoj (1535 - 1537) de la itala skulptisto kaj arkitekto Paolo della Stella. La konstruadon oni komencis en la jaro 1538, sed la granda incendio de la Kastelo en la jaro 1541 interrompis ĝin. Oni povis daŭrigi nur en 1548 - Anna Jagellono ne plu vivis - kaj en 1563 oni finpretigis la palacon kaj la grandan reĝan ĝardenon.

La "kantanta fontano"

Centre antaŭ la palaco staras renesancstila bronza fontano, la famega kantanta fontano (Zpívající fontána). Ĝi estas verko de F. Terzio, muldita fare de sonoril-muldisto Tomáš Jaroš (1558-1588). La figuro supre estas sakflutisto . Kaj la akvo falanta en la bronzan pelvon "sonorigas" la fontanon - kvankam ne tro laŭte . El la ĝardeno kaj galerio de Belvedere malfermiĝas unu el la plej ĉarmaj rigardoj al Prago.

Eksteraj ligiloj

• Praga Belvedere kun la ĝardeno
• Kelkaj fotoj pri la Praga Belvedere
• Belvedere-paĝo de prague.net