Sovetia rublo

El Vikipedio, la libera enciklopedio
Saltu al: navigado, serĉo
25-rubla monunuo de 1961 kun profilo de Lenin

La sovetia rublo estis la monunuo de Sovetunio. Ĝi kelkfoje ŝanĝis sian aspekton: la plej konataj estas la moneroj kaj monbiletoj de la jaro 1961. Sian nomon la monunuo heredis de la Rusia Imperio, kie same estis uzataj rubloj konsistantaj el cent kopekoj.

Post disfalo de Sovetunio en la eksaj sovetiaj respublikoj aperis propraj valutoj. Vidu, ekzemple, la artikolojn pri la rusia rublo, kaj la ukraina hrivno. La ŝtatoj de Baltio — kiuj ne dekomence estis en Sovetunio, sed nur estis aligitaj dum 1940 kaj 1944 kadre de la Dua mondmilito — reprenis siajn valutojn validajn antaŭ la milito: litova lido, latva lato kaj estona krono. Konservis la nomon „rublo“ nur valutoj en Belorusio kaj Ĉednestrio.