Balistiko

Balistiko estas scienca branĉo, kiu okupiĝas pri elpafado, trajektorio, flugo, impakto de elpafaĵoj. La ĵetparabolon malkovris la italo Niccolò Tartaglia kaj rekonis la eblecon priskribi la moviĝon de la elpafaĵo. Esperante la vorto Balistiko devenas el la vorto balisto, kio estas antikva militmaŝino por ĵetado de ŝtonoj, sagegoj kaj simile, kaj pro analogio kun aliaj similaj vortoj en aliaj lingvoj devenaj de la latinida vorto bala (kuglo).

Oni dividas la balistikon je la sekvaj sub-branĉoj:

• interna balistiko
• elira balistiko
• ekstera balistiko
• celbalistiko
• raketa balistiko

Oni esploras la balistikan kurbon, eksplodan kemion, piroteknikon, pafadon, direktadon ktp.

Vidu ankaŭ

• Balistika misilo
• Mekaniko