Trikalo

parko, en la fono turo el la bizanca epoko.

Trikalo (novgreke Τρίκαλα, Trikala) estas mezgranda urbo kun 51.862 loĝantoj (2001) en la administra regiono Tesalio kaj la samnoma provinco Trikalo, kies centro ĝi estas. La urbo situas sur la produktema tesalia ebenaĵo. La rivero Pinios apudfluas la urbon de nordnordokcidento al sud-sud-oriento kaj tiam ŝanĝas sian fludirekton al oriento. La urbon Trikalo trafluas rivero Liteos, kiu dividas la urbon. 30 km nordokcidente de Trikalo ĉe Kalambaka situas Meteora-monaĥejo.

Ankaŭ Homero menciis la urbon kiel devenan lokon de la Asklepios-kulto.

Trikalo situas ĉe la fervoja linio Paleofarsalos - Kalambaka.