-ab-

ab- estas neologisma prefikso por malpurigita, foruzita materialo en Esperanto. Ĝin proponis Manfred Westermayer laŭ la germana prefikso ab-. Krom en liaj tekstoj, la prefikso ankaŭ jam estas uzata de kelkaj aliaj esperantistaj verduloj.

Kiel ekzemploj servu al ni la du plej gravaj tiaj vortoj: abgaso kaj abakvo, kiuj signifas "malpurigita kaj ellasita gaso/akvo" (germane Abgas/Abwasser).

Estas dubinde ĉu necesas aparte prefikso por tiu koncepto; ankaŭ eblas uzi adjektivojn kiel "foruzita", "ellasita" aŭ "malpura". Ĉiuokaze malmultaj Esperantistoj konas ĝin (kaj ĝi verŝajne troviĝas en neniu ĝenerala vortaro), do indas eviti ĝin se oni volas esti komprenata.