Siruŝo

Siruŝo Սիրուշո
Bazaj informoj
Naskonomo	Sirouhi Harutyunyan
Naskiĝo	7-an de januaro 1987 (1987-01-07) (37-jaraĝa) en Erevano
Edz(in)o	Levon Kocharyan
Ĝenroj	Popmuziko, Armena folka muziko, Muziko de Armenio, Romantika muziko, R&B
Profesio	Kantistino, komponistino, tekstistino
Instrumentoj	Voĉa muziko, piano
Aktivaj jaroj	1999 — nuntempo
Retejo	Siruŝo.am

Siruŝo, ĝuste Sirouhi Harutyunyan (arm. Սիրուշո, nask. 7-a de januaro 1987 en Erevano en Armenio) – armena kantistino de pop, R&B kaj tradicia muziko. Unuafoje ŝi aperis en disaŭdigo kiam ŝi estis 7-jara. Kiam ŝi estis 9-jara Siruŝo ricevis premion pro kanto Lusabats.

Ŝi estas populara ne nur en Armenio. Ŝi koncertas ankaŭ en aliaj landoj kiel ekzemple: Irano, Rusio, Kartvelio, Pollando, Jordanio, Kanado, Francio, Grekio, Britio, Svedio, Germanio, Egiptio, Belgio, Usono.

Ŝia unua albumo titolita Siruŝo aperis en 1999, la dua – Sheram en 2005, tria, Hima, en 2007 kaj lasta en 2008 Qele Qele titolo de la kanto prezentita samjare en Eŭrovido.

En unua konkurso de la armenaj muzikaj premioj, ŝi ricevis premiojn en kategorioj "Promesa armena muzikisto", "Plej bona albumo" kaj "Plej bona kantistino".

En 2007 ŝi legis poentadon de Armenio en Eŭrovido.

Ŝi kantis por Armenio en Eŭrovido en 2008, en Belgrado, en Serbio. La 20-an de majo 2008 ŝi kvalifikis sin al finalo de Eŭrovido, dum kiu ŝi ricevis 199 da poentoj kaj okupis 4-an lokon. Ŝia kanto ĉe Eŭrovido nomiĝis "Qele, qele" (moviĝu, moviĝu)

Eksteraj ligiloj

• Kanzono "Qele, qele" en Youtube