József Romhányi

József ROMHÁNYI [jOĵef romhAnji], hungare Romhányi József, Esperante Jozefo Romhányi estis hungara poeto, tradukisto, libretisto kaj verkisto.

József Romhányi naskiĝis la 8-an de marto 1921 en Nagytétény, kiu estas nun apartenaĵo de Budapeŝto. Li mortis la 7-an de majo 1983 en Budapeŝto.

Biografio

Li lernis muzikon en Budapeŝto, lia unua laborloko estis en Hungara Radio, kie li longe laboris. Li verkis aŭ tradukis tekstojn de diversaj operoj, oratorioj, filmoj, ŝlagroj. Tiuj verkoj prezentitaj nombris 211. Oni aprezas lin, kiel majstro de rimoj.

Verkoj (selekto)

• Szamárfül (Azeno-orelo), pribestaj poemoj, rimoj, 1983, poste 7 eldonoj
• Doktor Bubó (Doktoro Bubó), televizia serio 1979
• A Mézga család (Familio Mézga), 1974 kaj simile aliaj popularaj televiziaj serioj
• diversaj libretoj
• aparte menciindaj du ŝlagroj: Két vallomás (Du konfesoj) kaj Párizsban szép a nyár (En Parizo estas bela la somero)

Fontoj

• Hungara Vikipedio