Trasimeno

Trasimeno
lago
Situo	Umbrio, Italio
Insuloj	3 (isola Polvese, isola Maggiore, isola Minore)
Landoj de la baseno	Italio
Datenoj
Koordinatoj	43° 8′ N, 12° 6′ O (mapo)43.13333333333312.1258Koordinatoj: 43° 8′ N, 12° 6′ O (mapo)
	Trasimeno (Umbrio)
	Trasimeno (Umbrio)
	Trasimeno
Supermara alteco	258 m
Surfaca areo	128 km²
Maksimuma longo	16,1 km
Maksimuma larĝo	12 km
Maksimuma profundo	6-7 m
Averaĝa profundo	4-5 m
Borda longo1	57 km
1 Borda longo estas malpreciza mezuro.
	v • d • r

Trasimeno (itale Lago Trasimeno), estas la plej granda lago en duoninsula Italio (kaj la kvara de tuta Italio). La lago havas surfacan areon de 128 km², malmulte malpli ol tiu de la lago de Como. Ĝi situas en la regiono Umbrio kaj la provinco Peruĝo de Italio. Precipaj loĝlokoj borde de la lago estas Castiglione del Lago okcidente de ĝi, Passignano sul Trasimeno norde kaj Magione oriente de ĝi. Borde de la lago Trasimeno praktikiĝas multa akvosporto, ekzemple velado, tabula velado kaj pedalboatado, kaj krome ĉe la bordo somere ankaŭ multaj familioj simple feriumas kaj baniĝas.

Passignano sul Trasimeno
lagoborda vojo
statuo en la lago

Cetere en 2006 la 30-a Internacia Junulara Festivalo de Itala Esperantista Junularo okazis en Magione rekte borde de la lago, kaj en 2025 la 48-a, tiel ke ankaŭ la esperantistoj el multaj landoj jam abunde praktikis la distrojn sur la Trasimeno. Meze de la lago situas tri insuletoj, isola Polvese, isola Maggiore kaj isola Minore. En 2001, la insulo isola Maggiore havis 35 ankoraŭ konstantajn loĝantojn, en 2014 estis ĉirkaŭ 25, kaj en 2016 nur 16. La insulo isola Minore ĉiam estis neloĝata, kaj ankaŭ sur la isola Polvese nun ne plu vivas homoj, kvankam ankoraŭ iuj historiaj konstruaĵoj, ekzemple katolika kirko kaj vasta ruino de mezepoka kastelo atestas pri antaŭa vivado tie.