Vaŝti
| Vaŝti | |
|---|---|
| Biblia persono | |
| |
| homa biblia persono | |
| Verko | Libro de Ester |
| Informoj | |
| Originala nomo | וַשְׁתִּי |
| Sekso | ina |
| Patro | Belŝacaro |
| Edzo/Edzino | Aĥaŝveroŝ |
Vaŝti estas edzino de Ahaŝveroŝo, repudiita kaj anstataŭita de Estero (PIV).
La reĝo Ahaŝveroŝ faris por siaj princoj kaj servantoj riĉan festenon, kiu daŭris ses tagojn, la reĝino Vaŝti faris la samon por virinoj. La sepan tagon la reĝo ordonis pere de siaj eŭnukoj, ke la reĝino venu montri sian belecon, sed ŝi rifuzis kaj ne venis. La reĝo demandis siajn saĝulojn kion fari. Tiam respondis Memuĥan, ke la reĝino kulpas ne nur kontraŭ la reĝo, sed ankaŭ kontraŭ ĉiuj princoj kaj edzoj, ĉar ŝia ago fariĝos konata kaj la edzinoj ĉesos obei siajn edzojn. Li konsilis al la reĝo divorci de Vaŝti kaj edziĝi al pli bona virino (laŭ la Biblia libro Ester).