Vikipedio:Artikolo de la semajno/2011/04
Germana Regna Fervojo (germane Deutsche Reichsbahn; oficiala mallongigo: DR) estis la nacia fervojo de Germana Regno (ek de 1949 sur la teritorio de Germana Demokratia Respubliko) kaj ek de 1990 unu de la 2 naciaj fervojoj de Federacia Respubliko Germanio.
Post fino de la Dua mondmilito en 1945 tiuj pecoj de Germana Regna Fervojo, kiuj troviĝis ekster la germanaj limoj de 1937, kiuj nun denove havis laŭleĝecon per Potsdama Konvencio, transiris en la posedon de la respektivaj ŝtatoj, sur kies teritorio ili nun troviĝis. La pecojn de Germana Regna Fervojo, kiuj troviĝis en la orientgermanaj teritorioj, oni subigis kiel la teritoriojn al la administro de Pollando kaj de Sovetunio, kiuj igis ekspluatadi ilin per siaj propraj fervojoj je propra nomo kaj je propra kalkulo. Aldone, la okupadpotenculoj transprenis la ekspluatadon de la restanta Germana Regna Fervojo en siaj respektivaj okupadzonoj, tiel ke ankaŭ la organizon de Germana Regna Fervojo oni komence dispartigis al 4 sektoroj.
La 1-an de januaro 1994 kune kun Germana Federacia Fervojo (DB), Germana Regna Fervojo fariĝis parto de la komercjure aranĝa kapitala kompanio Germana Fervojo Akcia Kompanio (DB). Legu pli...