Zenit Sankt-Peterburgo

Zenit Sankt-Peterburgo
futbala klubo
Kluba nomo	Futbolnij klub Zenit Sankt-Peterburg
Fondita	1925
Stadiono	Petrovskij en Sankt-Peterburgo
Kapacito	21 570
Prezidanto	Aleksandr Djukov
Trejnisto	André Villas-Boas
Ligo	unua ligo
2013/14	2
Oficiala retejo	www.fc-zenit.ru
Hejme	Ekstere
	v • d • r

Reviziita versio de ĉi tiu paĝo, aprobita je 16 dec. 2015, estis bazita sur ĉi tiu versio.

FK Zenit Sankt Petersburg (cirile ФК «Зенит» Санкт-Петербург, do "FK „Zenit“ Sankt-Peterburg") estas rusia futbalklubo el Sankt-Peterburgo. La unua vira teamo de la klubo konkuras en la unua ligo de futbalo en Rusio, kaj en la sezonoj 2007, 2010 kaj 2012 iĝis rusia ĉampiono. En 2008 gewann la teamo gajnis la UEFA-pokalon kaj per tio akiris la unuan internacian titolon de sia kluba historio. La hejma stadiono nomiĝas Petrovskij sur samnoma insuleto de la rivero Malgranda Neva (Малая Нева).

La klubo fondiĝis en 1925 je la nomo Stalinec (do „Stalinanoj“, ĝi ekestis en urba ŝtalfabriko nomita laŭ Josif Stalin). En 1940 la klubo ricevis la nomon Zenit Leningrad, kaj post la renomigo de la urbo Leningrado al Sankt-Peterburgo ĝi ricevis sian nunan nomon. En 1938 la unua vira teamo unuafoje konkuris en la plej alta sovetunia ligo de futbalo.

Sukcesoj

Internaciaj titoloj

Gajno de la UEFA-pokalo - ekde 2009 nomata Eŭropa Ligo de UEFA - en la sezono 2007/08 en Manĉestro per 2:0 goloj kontraŭ Glasgow Rangers.
Gajno de la UEFA-superpokalo 2008 en Monako per 2:1 kontraŭ Manchester United.

Naciaj titoloj

Dum la tempo de Sovetunio la klubo havis du grandajn sukcesojn. Une en la milita jaro 1944 la unua vira teamo gajnis la sovetunian pokalon de futbalo, kaj due la teamo „Zenit Leningrad“ gajnis la sovetunian ĉampionadon en la jaro 1984. Post la kolapso de la ŝtatego Sovetunio, sekvis venkoj de la rusia pokalo de futbalo en 1999 kaj 2010, venko de la nacia liga pokalo en 2003 kaj la sukcesaj gajnoj de la nacia ĉampionado en 2007, 2010 kaj 2012. En 2008 kaj 2011 la teamo krome gajnis la rusian superpokalon.

Konataj klubaj subtenantoj

Dum la rusia ĉefministro Vladimir Putin kaj la prezidantino de la rusia federacia konsilio Valentina Matvijenko (Валенти́на Матвие́нко) konsideriĝas neoficialaj subtenantoj de la klubo, kiu posteulo de Putin, Dmitrij Medvedev, oficiale anoncas esti subtenanto de la futbalklubo kaj en Moskvo estas prezidanto de subtena asocio de la Sankt-Peterburga klubo. La rusia komponisto Dmitrij Ŝostakoviĉ sian tutan vivon estis aktiva kluba subternanto.^[2] Ankaŭ la membroj de la muzikgrupo „Leningrad“ estas aktivaj subtenantoj de la klubo, kaj pluraj el iliaj kantoj estas omaĝoj al la teamo de Zenit.

Teamo de la sezono 2011/2012

nomo	ĉemiza numero	naskiĝdato	en la klubo ekde	antaŭa klubo
trejnisto
Luciano Spalletti		7-a de marto 1959	2009	AS Roma
golisto
Vjaĉeslav Malafejev	16	4-a de marto 1979	1999	junula teamo de la sama klubo
Dmitri Borodin	22	8-a de oktobro 1977	2009	FK Ĥimki
Juri Ŝevnov	30	17-a de aprilo 1981	2010	FK Moskvo
defendo
Aleksandr Anjukov (teamestro)	2	28-a de septembro 1982	2005	Krilja Sovetov Samara
Bruno Alves	3	27-a de novembro 1981	2010	FC Porto
Domenico Criscito	4	30-a de decembro 1986	2011	CFC Genova
Nicolas Lombaerts	6	20-a de marto 1985	2007	KAA Gent
Tomáš Hubočan	14	17-a de septembro 1985	2008	MŠK Žilina
Aleksandar Luković	24	23-a de oktobro 1982	2010	Udinese Calcio
mezo
Danny	10	7-a de aŭgusto 1983	2008	FK Dinamo Moskvo
Roman Ŝirokov	15	6-a de julio 1981	2008	FK Ĥimki
Alessandro Rosina	17	31-a de januaro 1984	2009	Torino FC
Konstantin Sirjanov	18	10-a de oktobro 1977	2007	Torpedo Moskvo
Viktor Fajsulin	20	22-a de aprilo 1986	2008	Spartak Nalĉik
Szabolcs Huszti	23	18-a de aprilo 1983	2009	Hannover 96
Sergeij Semak	25	27-a de februaro 1976	2010	Rubin Kazanj
Igor Denisov	27	17-a de majo 1984	2002	junula teamo de la sama klubo
Andreij Arŝavin	29	29-a de majo 1981	2012	Arsenal FC
Vladimir Bistrov	34	31-a de januaro 1984	2009	Spartak Moskvo
atako
Danko Lazović	8	17-a de majo 1983	2010	PSV Eindhoven
Aleksandr Buĥarov	9	12-a de marto 1985	2010	Rubin Kazanj
Aleksandr Kerŝakov	11	27-a de novembro 1982	2010	FK Dinamo Moskvo
Maksim Kanunikov	99	14-a de julio 1991	2012	Tom Tomsk
stato: februaro 2012