Plurlatero

Plurlatero (aŭ poligono) estas geometria figuro, kiu konsistas el minimume tri punktoj en ebeno konektitaj per strekoj, tiel ke ekestas fermita figuro. Ekzemploj estas trianguloj, kvarlateroj kaj seslateroj.

Triangulo

Kvarlatero

Matematika difino

Plurlatero estas geometria figuro, kiu estas unike difinita per n-opo de punktoj $P:=\left(P_{1},P_{2},...,P_{n}\right),P_{i}\in \mathbb {R} ^{m},1\leq i\leq n$ (ĉi tiuj punktoj nomiĝas verticoj).

La strekoj ${\overline {P_{i}P_{i+1}}}\left(i=1,...,n-1\right)$ kaj ${\overline {P_{n}P_{1}}}$ nomiĝas lateroj. Ĉiuj aliaj strekoj kiuj konektas punktojn nomiĝas diagonaloj:${\overline {P_{i}P_{j}}}$.

Kutime aldoniĝas jenaj kondiĉoj:

• La plurlatero devas havi almenaŭ tri malsamajn verticojn.
• La lateroj nur sekciiĝas (tuŝas unu la alian) ĉe la verticoj. Alikaze la plurlatero nomiĝas kompleksa.

La vorto plurlatero povas signifi la vojon konsistantan el la lateroj, aŭ la regionon limigitan de tiu vojo. En la dua kazo oni povas aldoni la vojon al la regiono (tiam ĝi estas fermita), aŭ ne aldoni ĝin (tiam ĝi estas malfermita).

Plurlateroj

Pli detalaj informoj troveblas en artikolo Listo de plurlateroj.

• Triangulo
• Kvadrato
• Kvinlatero
• Seslatero
• Oklatero
• Deklatero
• Dekseplatero
• Dudeklatero
• Trideklatero