Ĉela muro

El Vikipedio, la libera enciklopedio
Saltu al: navigado, serĉo
Plantaj ĉeloj. La ĉelaj muroj inter la ĉeloj estas travideblaj.

Ĉela muro estas iom rigida tavolo ĉirkaŭanta la ĉelon. Ĝi estas ekster la ĉela membrano, kaj ĝi subtenas kaj protektas la ĉelon, kaj agas kiel filtrilo. La ĉela muro ankaŭ malpermesas trograndiĝon kiam akvo iras en la ĉelon. Ĉelaj muroj troviĝas en plantoj, bakterioj, arkioj, fungoj kaj algoj. Animaloj kaj protistoj ne havas ĉelajn murojn.

Ĉela muro estas konstruata de malsamaj materialoj en malsamaj specioj. Je plantoj, la pli forta materialo estas la karbonhidrata polimero celulozo.