Andris Bērziņš (prezidanto de Latvio)

El Vikipedio, la libera enciklopedio
Saltu al: navigado, serĉo
Andris Bērziņš
Andris Bērziņš (prezidanto de Latvio)

Oficanta
Funkcio akceptita:
8-a de julio 2011
Antaŭulo Valdis Zatlers

Naskiĝo la 10-an de decembro 1944(nun 1944-12-10) (do nun 69-jara)
en Nītaure, Latvio
Nacieco latva
Politika partio Unio de Verduloj kaj Farmistoj
Profesio politikisto, komercisto
v  d  r
Information icon.svg

Andris Bērziņš (naskiĝis la 10-an de decembro 1944(nun 1944-12-10), do nun 69-jara) estas latva komercisto kaj politikisto. Ekde la 8-a de julio 2011 li estas la ŝtata prezidanto de Latvio. Andris Bērziņš reprezentas la politikan partion Unio de Verduloj kaj Farmistoj.

De 1993 ĝis 2004, li estis la prezidanto de la latva banko Unibanka, nun posedate fare de la sveda banko SEB.

Frua kariero[redakti | redakti fonton]

Andris Bērziņš naskiĝis en 1944, tri jarojn post la perforta konkero de Latvio fare de la Ruĝa Armeo de Sovetunio, en la latva vilaĝo Nītaure, parto de la historia regiono Livonio. En 1958 li finis la elementan lernejon, en 1962 la mezlernejon de Sigulda. Poste li studis kaj en 1971 finis la studadon en la Politeknika Instituto de Rigo, kaj sekve laboris kiel radiofonia inĝeniero. Iom post iom li karieris ĝis direktora posteno, kaj en 1988 iĝis vicministro de komunumaj servoj de la Latva SSR. Krome li studis en la ekonomika fakultaro de la Universitato de Latvio kaj finis tiun studon en 1988.

En 1989 Andris Bērziņš estis elektita al la konsilio de la distrikto Valmiera kaj iĝis prezidanto de ties ekzekuta komisio. Sekvajare, li elektiĝis reprezentanto de Valmiera en la Supera Konsilio de Latva SSR, kaj la 4-an de majo 1990 voĉdonis favore al la deklaro kiu restarigis la ŝtatan sendependecon de la Respubliko Latvio. Post fino de la parlamentana oficperiodo en 1993, li iĝis gvidanto de la Privatiga Fonduso de la Banko de Latvio, kaj paralele iĝis prezidanto de la banko Latvijas Unibanka. Li iĝis sukcesa komercisto kaj unu el la plej bonhavaj civitanoj de Latvio.

Politika kariero[redakti | redakti fonton]

Li revenis al la ŝtata politiko en 2005, kiam li nesukcese kandidatis pri la ofico de urbestro de Rigo. De 2006 ĝis 2010 li estis la prezidanto de la Latvia Ĉambro de Industrio kaj Komerco. En 2010 li elektiĝis membro de la nacia parlamento Saeima kiel ano de la Unio de Verduloj kaj Farmistoj.