Antoś Petrykiewicz
| Antoś Petrykiewicz | |
|---|---|
| |
| Persona informo | |
| Naskiĝo | 1-an de januaro 1905 en Dubliany |
| Morto | 28-an de decembro 1918 (13-jaraĝa) en Lvivo |
| Tombo | Tombejo de la Defendintoj de Lvovo |
Antoni Petrykiewicz (naskiĝis en 1905, mortis la 16-an de januaro 1919 en Lvovo) – pola lernanto, unu el Lvovaj Agletoj, partoprenanto de la bataloj defende de Lvovo en 1918, la plej juna kavaliro de la Milita Ordeno Virtuti Militari.
La familio de Antoś loĝis en kvartalo Zniesienie. La patro, Kasper Petrykiewicz (1860–1930) havis tie bieneton kaj estis kvartalestro. Antoni havis 3 fratinojn kaj 4 fratojn. Ĉiuj partoprenis en la batalo pri Lvovo, kvaropo da ili ekrizpozis sur la Tombejo de Agletoj – krom Antoni la patro Kasper, onklo Michał kaj frato Zygmunt.
En 1918 Antoni Petrykiewicz estis lernanto de la dua klaso de la 5-a Ŝtata Gimnazio en Lvovo. De la komenco de novembro 1918 partoprenis malfacilegajn batalojn pri Lvovo kontraŭ atakantaj ukrainoj. Li batalis en la taĉmento "Straceńcy" (Pereantoj) de posta generalo Roman Abraham. Li estis serioze vundita, defendante „Reduta Śmierci” (Morto-Defendejon) („Góra Stracenia”, la "Monto de Ekzekuto") en Persenkówka. Li mortis en malsanulejo en Politekniko de Lvovo la 16-an de januaro 1919. Ĉefkomandanto Józef Piłsudski atribuis al li postmorte Arĝentan Krucon de la Milita Ordeno Virtuti Militari kaj li restas ĝis hodiaŭ la plej juna kavaliro de la ordeno.