Avrig
 
| |
Avrig (hungare Felek, germane Freck) estas urbo en la distrikto Sibio (Rumanio). Ĝi situas rande de la Montoj de Făgăraş, je la dekstra bordo de rivero Olt, 35 km de Sibiu. Administre apartenas al ĝi Bradu.
Loĝantaro
Ĝi havis en 1910 3509 loĝantojn (rumanoj, germanoj), en 1992 14965, en 2004 14.259 loĝantojn.
Historio
Avrig estis dokumente menciita en 1346. La plej grava historia monumento de la urbo estas la Somera Palaco Brukenthal, en 1771 barokstile konstruita kiel somera rezidejo de barono Samuel von Brukenthal, guberniestro de Transilvanio. En la urbo troviĝas ankaŭ du preĝejoj de historia karaktero: evangelia kirko konstruita en la 13-a jarcento kaj fortikigita en la 16-a jarcento, kaj ortodoksa kirko konstruita en la 18-a jarcento.
Fonto
- Magyar nagylexikon, 1-18., 1993-2004, Budapest.
Renomaj personoj
- Romulus Cândea (7/19 de oktobro 1886 – 19-a de januaro 1973, Avrig), historiisto.
- Gheorghe Lazăr (5-a de junio 1779 – Avrig, 17-a de septembro 1823), la fondinto de la rumanlingva klerismo.
Eksteraj ligiloj
