La Baseno Klamath estas la regiono de la usonaj ŝtatoj de Oregono kaj Kalifornio drenataj de la rivero Klamath. Ĝi enhavas plej el Kantono Klamath kaj partojn el la kantonoj Lago kaj Jackson de Oregono, kaj partojn el kantonoj Del Norte, Humboldt, Modoc, Siskiyou, kaj Trinity en Kalifornio. La Akvokolekta areo etendas 40 790 km² kaj estas 35 % en Oregono kaj 65 % en Kalifornio. En Oregono la baseno ĉefe kuŝas oriente de la Kaskada Montaro, dum Kalifornio enhavas plej el la rivera parto kiu pasas tra la montoj. En la parto de la rivero de Oregono kaj plej norda Kalifornio, la baseno estas duonarida je malaltaj lokoj kaj seka kaj alpa en la supraj lokoj. En la okcidenta parto de la baseno, en Kalifornio, tamen, la klimato estas pli de moderklimata pluvarbaro, dum la baseno de la rivero Trinity konsistas el pli tipa alpa klimato.
