Beaufort (Nord)

Beaufort
Administrado
Statuso	Komunumo
Lando	Francio
Regiono	Nordo-Kaleza Markolo
Departemento	Nord
Arondismento	Avesnes-sur-Helpe
Kantono	Hautmont
Urbestro	S-ro François Monet 2008-2014
Poŝtkodo	59330
Kodo laŭ INSEE	59058
Demografio
Loĝantaro	1 012 (1999)
Loĝdenso	79 loĝ./km2
Geografio
Koordinatoj	50°12′56″N 3°57′54″O
Alto	154 m - 207 m
Areo	12,76 km²
Horzono	UTC +1 (+2 somere)

Beaufort estas franca komunumo lokita en la departemento Nord kaj en la regiono Nordo-Kaleza Markolo. Ĝi havis 1 012 loĝantojn laŭ censo plenumita en 1999.

Geografio

Beaufort estas unu el la vilaĝoj lokitaj ĉirkaŭ la urbeto Hautmont, kiu situas inter Aulnoye-Aymeries kaj Maubeuge, en la suda parto de la natura baseno de la rivero Sambre.

La vilaĝo Beaufort troviĝas proksime de la urbeto Avesnes-sur-Helpe, kaj do situas kerne de natura regiono nomita "Avesnois", kiu ĉefe konsistas el malaltaj heĝoj, tre verdaj pejzaĝoj, boskoj, fruktarbaroj kaj etaj vilaĝoj. Beaufort etendiĝas sur 12,76 km².

Historio

La nomo de la vilaĝo devenas de turo konstruita en 1173 de la grafo de Henegovio por defendi la henegovian landon kontraŭ la landsinjoro de Avesnes-sur-Helpe. Tiu tereno estis finfine heredita de Avesnes en la 14-a jarcento.

Vidindaĵoj

Ankoraŭ videblas la ruinoj de la ĉefturo, kiu datiĝas de la 12-a jarcento kaj estas kromnomita "tour sarrasine". La loka preĝejo datiĝas parte de la 16-a, parte de la 18-a jarcentoj. Ĝia navo ĉefe konsistas el brikoj, kaj ĝia turo havas kvadratan aspekton.

Administrado

Beaufort apartenas al la kantono de Hautmont, kies ĉefurbo estas Hautmont. Tiu kantono mem estas parto de la arondismento de Avesnes-sur-Helpe, unu el la 6 arondismentoj de la departemento Nord.

Bildaro

• 

  Urbodomo

• 

  Preĝejo (1/2)

• 

  Preĝejo (2/2)

Vidu ankaŭ

• Komunumoj de Nord
• Kantono de Hautmont