Buŝtuko
Buŝtuko estas ĝis ĉirkaŭ 50 cm × 50 cm granda tuko, destinita por viŝi la buŝon kaj la fingrojn dum kaj post la manĝo.
Unuaj buŝtukoj troveblis en Eŭropo ĉe la nobeloj de la 16-a jarcento. Antaŭe oni simple viŝis la fingrojn per la tablotuko aŭ la vestaĵoj.
Nuntempe disvastiĝis paperaj buŝtukoj, aĉeteblaj diversgrande kaj diverskvalite. En bonaj restoracioj kaj dum festoj oni ŝatas uzi damaskajn buŝtukojn el kotono aŭ el kotono-linaĵo.
Ekde la mezepoko la ornama faldado de buŝtukoj evoluis al aparta arto.