Djémil Kessous

El Vikipedio, la libera enciklopedio
Saltu al: navigado, serĉo

Djémil KESSOUS (naskiĝis en 1946) estas emerita funkciulo en la franca Konsilio de la Ŝtato kaj verkisto de sociaj kaj filozofiaj verkoj. Li estas filo de la alĝeria politikisto Mohamed El Aziz Kessous.

Li publikigis en la franca la librojn La théorie générale de l' évolution (La ĝenerala teorio pri la evoluado, L'Harmattan, 1994, ISBN 2-7384-2616-6) kaj L'Universalisme (Acratie, 1997, ISBN 2-909899-10-1). Tiun ĉi lastan libron esperantigis Jacqueline Lépeix kun la nomo "La Universalismo, Sennacieca Asocio Tutmonda, 2002, ISBN 2-9502432-6-6)". Esperanton li eklernis en 1997, tuj post la apero de la franca eldono de tiu libro.

Li verkis en la franca gazeto, por la disdona ekonomio, La grande relève (La granda trasnspreno) meze de la 1990-aj jaroj.

Li estas ĉefredaktoro de L'universaliste (La universalisto oficiala retejo) gazeto de la Universalista Kunigo.

Li estas aktiva en Sennacieca Asocio Tutmonda. Li verkis en Sennacieca revuo, notinde en 2011, artikolon sub la titolo Postmodernismo, postcionismo, raŭmismo, ktp. pri postismaj ideologioj de la malfortiĝanta modernado. Tiu artikolo, publikigita en la fanca sub la titolo "La modernisation... et après ? (La modernado... kaj poste ?), estis publikita en bellacio.org.fr.

Eksteraj ligiloj[redakti | redakti fonton]