Femurosto

El Vikipedio, la libera enciklopedio
Saltu al: navigado, serĉo
Femurosto de la homo

La femurosto estas la osto de la femuro de vertebruloj. La femuro estas para organo, do en sana stato troviĝas dufoje en unu organismo - simetrie dekstre kaj maldekstre, kaj sekve la vertebruloj (inkluzive de la homo) en normala stato havas du femurostojn. La osto estas dika kaj longa, kaj situas inter la artikoj pelva kaj genua.

En la homa korpo, la femurosto estas la plej longa osto, dividebla en tri partojn:

Supra parto[redakti | redakti fonton]

Ĝi konsistas el la femurostokapo, kiu artikiĝas kun la koksosto, la femurostokolo, la granda kaj eta trokanteroj, sur kiuj fiksiĝas la pelvo-trokanteraj muskoloj.

Centra parto[redakti | redakti fonton]

La centra parto aŭ femurosta korpo (corpus ossis femoris) havas raspolinion, tribranĉa supre kaj dubranĉa meze kaj malsupre, kiu estas la fiksiĝpunkto de la kruraj adukciaj muskoloj, la aduktoroj.

Malsupra parto[redakti | redakti fonton]

Ĝi artikiĝas ventre kun la patelo per la trokleo kaj sube kaj dorse kun la tibio per la kondiloj.

Vidu ankaŭ[redakti | redakti fonton]