Grand Dictionnaire Français-Espéranto
(Alidirektita el Franca Esperanto vortaro Lepŭil)
| Grand Dictionnaire Français-Espéranto | ||
|---|---|---|
 | ||
| Aŭtoro | Ĵak Lepŭil' kaj Jo-Petro Danvy | |
| Eldonjaro | 1992 | |
| Urbo | Parizo | |
| Eldoninto | Unuiĝo Franca por Esperanto | |
| Paĝoj | 939 | |
Grand Dictionnaire Français-Espéranto (trad. Granda Vortaro Franca-Esperanto) estas la plej laste eldonita kaj plej ampleksa franca-esperanto vortaro, redaktita de Ĵak Lepŭil' (Jacques Le Puil) kaj Jo-Petro Danvy (Jean-Pierre Danvy) kaj aliaj. Eldonis Unuiĝo Franca por Esperanto (UFE), Parizo 1992, 939 paĝoj 20 cm. Bindita. 32 000 kapvortoj kaj multaj esprimoj.
Kvankam ĝi estas pli aktuala kaj ampleksa ol ĝia antaŭulo, la Dictionnaire Français-Espéranto (vortaro franca-esperanta) de André Albault kaj Roger Léger de 1961, ĝi tamen havas gravajn mankojn, tiel ke la plej multaj recenzoj - escepte de la malpli kritikaj Minnaja kaj Pabst - ne estis favoraj. Vd. ekzemple:
- Haupenthal, Reinhard (1993). Iltis-Forumo 1993, p. 73-83 (ege malfavora recenzo: „multloke misgvida kaj erariga“)
- Pabst, Bernhard (1994). Terminoteko n-ro 10, 4a jaro, 2/1994, p. 7-8 ("unua serioza provo pri granda vortaro en grava lingvo post 30 jaroj")
- Simonnet, Francisko (1994). Ne! Vortaron oni ne rajtas fari tian. Literatura Foiro n-ro 151 (okt. 1994), p. 237-252. Ĝin Carlo Minnaja "kontraŭrecenzis" en la septembra n-ro de Literatura Foiro 1995.
- Krause, Erich-Dieter (1995). Amplekso povas trompi - Grand Dictionnaire Français-Espéranto. Jacques Le Puil, Jean-Pierre Danvy k.a. Paris 1992. 939 p. Esperanto [UEA] n-ro 10, 1995 (1074), p. 173
- Golden, Bernard (1995). Erara uzo de la sufikso "-ej-" en Grand Dictionnaire Français-Espéranto. Travailleur Espérantiste 1995, n-ro 202 (marto) 10-12
- Lutermano, Vilhelmo (1995). Terminoteko n-ro 11, 5a jaro, 1/1995, p. 18: "Malofte oni eldonas vortaron, kiu tuj poste bezonas korektoliston 13-paĝan, kiu ankoraŭ delonge ne kompensas la monstrajn fuŝaĵojn. ..."
Vidu ankaŭ[redakti | redakti fonton]
Eksteraj ligiloj[redakti | redakti fonton]
- Katalogo de Heredaĵbiblioteko Hendrik Conscience : entajpu la vortojn "grand dictionnaire français".