František Tomášek
František TOMÁŠEK [FRANtiŝek TOmaŝek] (naskita la 30-an de junio 1899 en Studénka en Moravio, mortinta la 4-an de aŭgusto 1992 en Prago) estis unua (ĉefa) kardinalo (primaso) de la rom-katolika eklezio de Bohemio kaj 34-a episkopo de Prago.
Lia konsekro kiel episkopo je la 14-a de oktobro 1949 devis okazi sekrete, ĉar la komunisma registaro ĝin ne permesus. Inter 1951 kaj 1954 li pasigis preskaŭ tri jarojn en malliberejo. En 1962 li povis partopreni en la 2-a Koncilio de Vatikano.
Kiam en 1989 Václav Havel elektiĝis kiel prezidento de Ĉeĥoslovakio, Tomášek celebris dankan meson.