Fritz Wollenberg
Fritz WOLLENBERG (naskiĝis la 16-an de novembro 1938) estas germana esperantisto, estrarano de Esperanto-Ligo Berlin (ELB). Li publikigis diversajn librojn kaj multajn artikolojn pri la historio de Esperanto en Berlino kaj pri konataj Esperantistoj, ekzemple pri Adolf Schmidt und Wilhelm Ostwald. Li regule kontribuas al la simpozioj de la Gesellschaft für Interlinguistik (GIL - Societo pri Interlingvistiko).
Esperanta agado en GDR
En GDREA Wollenberg estis membro de la Centra Estraro kaj respondeca pri la laboro kun infanoj. Li i.a. organis diversajn tre sukcesajn aranĝojn.
Esperanta agado post 1990
Post la unuiĝo de GDR kun okcidenta Germanio Wollenberg dum multaj jaroj estis estrarano, poste prezidanto de ELB. Li multon faris kaj daŭre faradas por la intelekta "verda vivo" en Berlino, zorgante i.a. pri interesa programo en loka Esperanta grupo. Li gvidis multajn ekskursojn tra Berlino pritraktante Berlinajn kvartalojn aŭ konstruaĵojn, kiuj estis gravaj en la historio de Esperanto.
Interlingvistiko
Wollenberg ankaŭ estas aŭtoro pri interlingvistikaj kaj aliaj temoj, aparte historiaj. Tion i.a. ankaŭ dokumentas la jubilea libro ("Esperanto. Lingvo kaj Kulturo en Berlin"), kiun li redaktis. Krome aperis pli ol 90 fakaj kontribuoj de li.
L estas aktiva membro de "Gesellschaft für Interlinguistik e.V." (GIL, Societo pri Inter-lingvistiko r.a.), kie li kelkfoje prelegis dum la sciencaj konferencoj (la tekstoj aperis en la Aktoj de GIL).
Literaturo
- 2008: Blanke, Detlev. Bibliografio de la verkaro de Fritz Wollenberg. En: "Interlinguistische Informationen" (Interlingvistikaj informoj) kajero 68 (3/2008)
- 2008: Berlina Informilo 12/2008
Verkoj (elekto)
- Blanke, Detlev (2003, Red.): Beiträge zur Geschichte des Esperanto-Verbandes im Kulturbund der DDR (von Rolf Beau, Ulrich Becker, Torsten Bendias, Dirk Bindmann, Detlev Blanke, Wolfgang Both, Rudolf Burmeister, Till Dahlenburg, Rainer Knapp, Linde Knöschke, Helmut Krone, Max Hans-Jürgen Mattusch, Monika Ludewig, Achim Meinel, Werner Pfennig, Marcus Sikosek, Janos Sipos, Fritz Wollenberg). Berlin: Arbeitsgruppe zur Erforschung der Geschichte des Esperanto-Verbandes im Kulturbund der DDR, 203 p.
- 2002: Chronik zur Geschichte des Esperanto in Ostberlin 1945–1991. Ein Arbeitsmaterial. Berlin: Arbeitsgruppe zur Erforschung der Geschichte des Esperanto-Verbandes im Kulturbund der DDR, 85 p.
- (Red.). Esperanto – Lingvo kaj Kulturo Berlino: Jubilea Libro 1903 – 2003; Enrigardo, Rerigardo, Antaŭrigardo = Esperanto - Sprache und Kultur in Berlin. Esperanto-Ligo Berlino r.A. – Novjorko; Berlino: Mondial 2006, 367 p. (en la germana kaj Esperanto) – ISBN 1-59569-043-3
Eksteraj ligiloj
- Libroj de kaj pri Fritz Wollenberg en la Kolekto por Planlingvoj kaj Esperantomuzeo
- Artikoloj de kaj pri Fritz Wollenberg en Elektronika Bibliografio de Esperantaj Artikoloj (EBEA)
- Laŭdacio de Detlev Blanke okaze de la 60-a naskiĝtago de Fritz Wollenberg en Berlina Informilo 12/2008