Gedo Senki (filmo)
| "La milita kroniko de Gedo" | |
|---|---|
| Originala titolo | げド戦記 Gedo Senki |
| Produktadlando | Japanio |
| Originala lingvo | japana |
| Daŭro | 110 minutoj |
| Ĝenro | animeo |
| Reĝisoro(j) | Miyazaki Gorō |
| Produkto | Studio Ghibli |
Gedo Senki (japane: げド戦記 [gedo senki], "La milita kroniko de Gedo", 2006) estas japana animacia filmo de Studio Ghibli.
La reĝisoro estis Miyazaki Gorō, filo de Miyazaki Hayao.
La muzikon por tiu filmo komponis Terashima Tamiya.
La rakonto de la filmo sekvas la novelon "Earthsea" [= TeroMaro] de Ursula K. Le Guin.
Enhavo |
[redakti] Intrigo
Tiu filmo ludas en fantazia mondo loĝata de homoj kaj drakoj. Ĝi rakontas la batalon de la sorĉisto Gedo por restaŭri la magion, kiu ŝajnas malaperi paŝon post paŝo.
[redakti] Ĉefaj personoj
En la mondo de TeroMaro ĉiuj loĝantoj havas du nomojn: la kutima nomo, plej ofte donita laŭ iu besto, planto aŭ juvelo, kaj la vera nomo, kiun al homo donas ties patrino post ritualo de plenkreskiĝo kaj kiun tiu devas ĉiam teni en sekreto, ĉar alie iu malica spirito aŭ sorĉisto povas uzi ĝin kontraŭ la homo. En Gedo Senki nur la vera nomo de ĉefa rolulo (Gedo) estas defaŭlte konata, aliaj roluloj ĉi-sube estas listigitaj nur per kutimaj nomoj.
- Hajtaka / Gedo (japane: ハイタカ [hajtaka], laŭvorte: "nizo" / げド [gedo])
- Sorĉisto.
- Aren (japane: アレン )
- Junulo, princo de Enraddo ).
- Terū (japane: テルー )
- Junulino.
- Kokuō (japane: 国王 [koku-ō])
- Reĝo de Enraddo, kaj patro de Aren.
- Ōhi (japane: 王妃 [ō-hi])
- Edzino de la reĝo de Enraddo, kaj patrino de Aren.
- Kumo (japane: クモ [kumo], laŭvorte "araneo")
- Sorĉisto.
- Usagi (japane: ウサギ [usagi], laŭvorte "leporo")
- Subulo de la sorĉisto Kumo.
- Tenā (japane: テナー [tenā])
- Longtempa amikino de Gedo.
[redakti] Filmo
La filmo Gedo Senki aperis en la japanaj kinoj en 2006, je novembro 2006 ankaŭ en DVD.
[redakti] Titolo en aliaj lingvoj
| lingvo | titolo | signifo | |
| angla | Tales from Earthsea | rakontoj el TeroMaro | |
| finna | Maameren tarinat | rakontoj de TeroMaro | |
| franca | Les Contes de Terremer | la rakontoj de TeroMaro | |
| hispana | Cuentos de Terramar | rakontoj de TeroMaro | |
| itala | I Racconti di Terramare | la rakontoj de TeroMaro | |
| japana | げド戦記 | (la) milita kroniko de Gedo | |
| normĉina | 格得戰記 | (la) milita kroniko de Géde [= Gedo] | |
| pola | Opowieści z Ziemiomorza | rakontoj el TeroMaro | |
| rusa | Сказания Земноморья | legendoj de TeraMaro |
[redakti] Libroj
En 2006 en Japanio aperis la kolorplena kvar-voluma filmkomikso pri Gedo Senki eldonita de Tokuma Shoten.
