Golfo Monterejo

Golfo Monterejo, Kalifornio.

Kormoranoj ĉe Golfo Monterejo.

Golfo Monterejo aŭ en angla Monterey Bay estas golfo de la Pacifika Oceano, laŭlonge de la centra marbordo de Kalifornio, Usono. La golfo kuŝas sude de San Francisco kaj de San Jose, inter la urboj Santa Cruz kaj Monterey.

La Monterey Bay Area (montereja golfareo), aŭ foje nur Bay Area (golfareo), estas surlokaj popularaj esprimoj foje uzitaj por priskribi kaj aludi la tuton de la marbordaj komunumoj de la kantonoj Santa Cruz kaj Monterey. La Montereja Golfareo estas ankaŭ parto de la plej granda areo konata populare kiel Centra Marbordo.