Gyula Vargha
Gyula Vargha [djula varga], laŭ hungarlingve kutima sinsekvo Vargha Gyula estis hungara statistikisto, poeto, tradukisto, politikisto, membro (korespondanta en 1892, ordinara en 1907, honora en 1923) de Hungara Scienca Akademio, membro de Societo Kisfaludy (en 1883). Lia nobela antaŭnomo estis görzsönyi [gorĵonji].
Gyula Vargha [1] naskiĝis la 4-an de novembro 1853 en Káva. Li mortis la 2-an de majo 1929 en Budapeŝto.
Biografio
Gyula Vargha frekventis kalvinanan gimnazion, poste universitaton en Budapeŝto, fine li doktoriĝis el juro. Li eklaboris en la statistika oficejo jam dum la studjaroj, kie li iĝis direktoro inter 1901-1914. En 1882 li edziĝis. Dum la 1-a mondmilito li politikadis en la parlamento, eĉ li estis subministro. Li ricevis premion en 1896.
Elektitaj publikaĵoj
- Dalok (1881) - poemaro
- A magyar nyelv hódításai az utóbbi 10 év alatt (1893)
- A magyarság félévszázados fejlődése (Duonjarcenta evoluo de la hungareco), (1902)
- Vargha Gyula költeményei (1915) - poemaro
- A végtelen felé (1923) - poemaro
Memorigiloj
- strato en Budapeŝto
- biblioteko en Üllő
- bazlernejo en Nemesgörzsöny