Hangiri

El Vikipedio, la libera enciklopedio
Saltu al: navigado, serĉo
Hangiri kun diametro de 41 cm (16 coloj)

Hangiri (japane: 半切) estas malalta ligna ujo kun plata fundo, uzata en Japanio por prepari suŝirizon.

Tradicie hanigiri estas farita el la ligno de kamecipariso, kiun ĉirkaŭas du kupraj bendoj. La diametro de tia ujo varias inter 30 cm (hejma ujo) kaj 1 m (restoracia ujo).

La kuiristo uzas hangiri-on kaj platan lignan kuleregon (shamoji), por formi kaj malvarmigi la rizon. Post la kuirado, la rizo estas enmetita en la ujon kaj miksita kun rizvinagro, sukero kaj salo. Post tio oni kovras la hangiri-on per tuko nomita fukin.