Helpo:Kiel krei paĝon

El Vikipedio, la libera enciklopedio
Saltu al: navigado, serĉo

Jen estas kelkaj konsiletoj por krei paĝon en Vikipedio.


Resume[redakti | redakti fonton]

  • Iru al paĝo teme ligita al via dezirata artikolo. Ekzemple korpo, se vi volas verki pri haŭto.
  • Klaku tie supre al "redakti". Entajpu en la redaktofenestron frazon kun via nova vorto, kiun vi ĉirkaŭigas per po du rektaj krampoj; ekzemple: "La korpo estas kovrita per [[haŭto]]."
  • Klaku sube al "Antaŭrigardu". Supre vi vidos en la teksto "La korpo estas kovrita per haŭto." Ankoraŭ la nova vorto "haŭto" aperos ruĝe (aŭ kun demandosigno). Klaku sube al "Konservu".
  • Klaku al la nova vorto "haŭto" (eble en nova folio aŭ fenestro de via retlegilo). En la nova paĝo vi povas enskribi en la redaktofenestron. Post iom da redaktado klaku tie sube al "Antaŭrigardo" kaj fine sube al "Konservi ŝanĝojn".

Detale[redakti | redakti fonton]

Sur ĉiu paĝo de Vikipedio estas supre ligilo "Redakti". Se vi alklakas ĝin, la teksto de la paĝo aperas en fenestro, en kiu vi povas fari viajn aldonojn aŭ ŝanĝojn. Se vi volas aldoni novan artikolon pri nova proksima temo, skribu ĝian nomon en senc-hava frazo kaj aldonu ĉirkaŭ tiu nomo paron de duoblaj rektaj krampoj, ekzemple: Ankaŭ hundo estas karnovoro. Poste alklaku malsupre la ligilon "Antaŭrigardo" por vidi ĉu tiu malnova paĝo nun aspektas ĝuste kun la nova ligilo. Se jes, alklaku "Konservi ŝanĝojn". La paĝo kun via ŝanĝo konserviĝos, kaj post la konserviĝo la vorto aperos ruĝe anstataŭ blue (aŭ aperos demandosigno "?" post tiu nova vorto, depende de via navigilo kaj de viaj personaj elektoj). Tio signifas, ke neniu paĝo jam ekzistas pri tiu temo. Alklako de la ruĝe aperanta vorto (aŭ de la demandsigno) malfermos fenestron, en kiu vi povos verki vian tekston kaj registri ĝin per "Konservu".

La saman rezulton vi povas ankaŭ atingi tajpante en la URL-fenestro la titolon de via verkota artikolo post http://eo.wikipedia.org/wiki/. ekzemple : http://eo.wikipedia.org/wiki/Titolo_de_verkota_artikolo. Sed atentu tiukaze ke la artikolo povas esti preskaŭ netrovebla se nenio ligas al ĝi. Preferinde estas deiri de jam ekzistanta artikolo kies temo iel rilatas (ekzemple ekverki pri "Hundo" deirante de "Karnovoro")

Do, unue en la vikipedia ĉefpaĝo trovu la temon, kiu plej rilatas al via artikolo, kaj alklaku ĝin. (Aŭ trovu ligitan temon per la serĉi-kadreto (maldekstre) aŭ la kategorioj. Kiam vi trovos la ĝustan paĝon aldonu vian temon per la metodo priskribita supre. Fine alklaku ruĝan ligilon (aŭ la aperintan demandsignon) kaj enmetu vian artikolon.

Minimumaj kriterioj por nova paĝo[redakti | redakti fonton]

La vikipedoo nuntempe havas du flankojn - unuflanke ĝi estas "reta projekto por krei enciklopedion", aliflanke ĝi parte jam funkcias kiel enciklopedio. Por ke la uzantoj de la vikipedio povu jam ŝati la vikipedion, oni decidis, ke la tuto aspektu ne tro kiel konstruejo, sed jam iom dece. Interalie nova paĝo plenumu kelkajn minimumajn kriteriojn:

  • Almenaŭ tri frazoj
  • Almenaŭ unu interna ligilo, do ene de la vikipedio
  • Ĝi enestu en unu kategorio.

Se artikolo ne plenumas tiujn kriteriojn, oni konsideras ĝin ĝermeto aŭ eĉ malpli - kaj ĝi riskas esti forigata. Prefere do tuj ĉe la kreado (aŭ en la posta duonhoro) verku almenaŭ la tri frazojn kun ligilo kaj enmetu en taŭgan kategorion.

Vidu ankaŭ[redakti | redakti fonton]