Huajnapikĉuo

El Vikipedio, la libera enciklopedio
Saltu al: navigado, serĉo
la impresa pinto de la monto Huajnapikĉuo fone de la ruina urbo Maĉupikĉuo dum sunleviĝo

Huajnapikĉuo - keĉue Wayna Pikchu (la "juna monto"), hispane Huayna Picchu - estas monto en Peruo. Ĝi je granda parto ĉirkaŭiĝas per la rivero Urubamba kaj aparte konatas pro tio ke la historia urbo Maĉupikĉuo, la plej grava arkeologia loko, kiu en Peruo restis post la inkaa imperio, konstruiĝis sur la rokoj kiuj kunigas la montojn Maĉupikĉuo kaj Huajnapikĉuo, kaj la impresa montopinto videblas sur multaj fotoj de la ruina urbo. Ambaŭ montoj kaj la historia loko situas en la orienta flanko de la Centraj Andoj, en la sudo de Peruo. La monto altas 2 720 metrojn super la marnivelo.